زمان مع الزمان

زمان كان بنادم على بلادو يدافع

وخا يعدبوه و يقتلوه بالمدافع

ما ينطق غير الحق و كلامو ديما نافع

يتحدا العدو وخا يسقيه الما القاطع

زمان كان المحامي على الحق يترافع

ينصر المظلوم و يهزم الظلم بالدليل القاطع

يدور فالمحكمة بحال النجم الساطع

و الناس تدعيلو بالخير شي ساجد شي راكع

اليوم ولا كلشي ينافق و غير مصلحتو تابع

اناني يبغي نفسو يبقى غير ليها خاضع

ولصحاب النفود عبد طايع

عايش بين هم الدنيا والحرام ضايع